Letra falenderuese

Zotërinj të nderuar të QEP-it,

Falë punës suaj, ia arrita me të gjallë tim ta shoh drejtshkrimorin dhe fjalorin e gjuhës së sotme shqipe ashtu si kam dashtë ka mot -- të kompjuterizuar. Dhuratë e denjë nga mendje të denja!

Veç përgëzime mund t\'ju shpreh për sa keni arritur. E keni vendosë shqipen me themel në arenën e komunikimit modern dhe keni blatuar në lterin e letrave tona një mjet sa të vyer aq edhe të domosdoshëm. 

Uroj dhe shpresoj në arritje të mëtejshme dhe në pasurimin e fjalorit të sotëm. Një mund i tillë nuk mund të shpërblehet kurrë aq sa duhet, edhe fjalët më të ngrohta të falënderimit nuk e përcjellin plotësisht ndjenjën e mirënjohjes për punën vigane që keni arritur ta sillni ne breg me nder.

Falënderime të përzemërta.

Londër, 2006

Pavli Çesku

Vetëm desha të Ju uroj për punën e bërë dhe të shprehi simpatinë time të sinqertë për punën e juaj. Mund të them se Ju me punën e bërë ma keni lehtësuar jetën, për shkak se deri vonë më duhej që edhe për gjerat më të vogla ta asistoja babin tim në përdorimin e kompjuterit. Uroj që sa më parë të mund ta shfrytëzojmë edhe "Microsoft Office" në gjuhën shqipe. Më lejoni që njëkohësisht të japë komentim e "shfrytëzuesit të prodhimeve tuaja". Kam vërejtur që pas instalimit të shumë softuerëve të Microsoft-it të shtrohet pyetja nëse dëshironi të jeni pjesëmarrës në programin për përmirësimin e produkteve të Microsoft-it apo diçka ngjashëm me qellim që këto produkte të jenë sa më "Friendly use" të lehta për përdorim. Andaj edhe po e marr guximin që të ju shkruaj përshtypjet e mia gjatë përdorimit të Windows XP në shqip.

• E para mbeta i shtangur nga emocionet

• E dyta mu mbushen sytë me lot

• E treta ma vrau syrin fjala NIS

Nga profesioni nuk jam gjuhëtar dhe e di se emra të shquar të profesorëve universitar i keni bashkëpunëtorë, por a ka mundur që kjo fjalë të zëvendësohet më (Fillo apo Fillon, Starto apo Starton)?. Për më tepër nuk kam pas kohë që ta eksploroj Windows-in në shqip por besoj se këto vërejtje do t’i kuptoni si qëllimmira që puna juaj të jetë sa më afër shfrytëzuesve. Ju uroj punë të mbarë dhe faleminderit për kënaqësinë që na e keni ofruar. 

Albian Ismaili

Ju uroj punë të mbarë dhe shumë suksese në të ardhmen.

Rrezarta

Ju falënderoj shumë për punën që keni bërë!

Është mundësia dhe mënyra më e mirë për ne nxënësit dhe kushdo që është i interesuar që të marrë njohuri të shumta për gjuhën më të bukur, gjuhën shqipe. Punë shumë e qëlluar dhe vetëm suksese në këtë drejtim.

Alban Bujupi

Urime!

Syl Baftiu

Vetëm desha t’ju përshëndes dhe t’ju përgëzoj për punën tuaj! Ju lumtë! Rrofshi!

Laç Berisha

Përpjekjet për të zënë hapin në këtë fushë më bënë shumë optimist. I gëzohem pa masë çdo suksesi tuaj dhe ju uroj suksese të reja.

Mentor Kaçi

Po bëni një punë të shkëlqyer atdhetare. Shumëkush sot, jo vetëm nuk di ta flasë, por as ta shkruajë shqipen tonë të vyer. Ju po i ndihmoni të gjithë, që ta kenë më pranë e ta \"prekin\" me dorë \"dallojën e parë të çdo kombi\" - gjuhën. Edhe një herë, urimet më të përzemërta!

Sejdin Cekani

Mendoj se pas Kongresit..., tani me këtë që keni bërë, keni vendosur një gur të çmueshëm në kalanë që quhet gjuha shqipe. Shkalla e informimit elektronik sot është më e lartë se kurrë. Besoj se ky projekt do të ndihmojë shumë për zhdukjen e analfabetizmit gjuhësor te ne, sidomos në Kosovë. Me fat! 

Ismet Potera

Ju përshëndes dhe ju uroj suksese të mëtutjeshme. Vetëm vazhdoni kështu!

Nehati

Do të doja t’ju falënderoj për projektin që keni vazhduar dhe rrugë të mbarë drejt zhvillimit të gjuhës sonë shqiptare.

Avdyl Pecaku

Ju uroj punë sa më të gjatë të programimit të programeve për gjuhën shqipe.

Selim Kukaj

I uroj të gjithë punëtorët që bënë këtë projekt, të cilin e kemi pritur sa kohë ne të gjithë shqiptarët që gjendemi në botë. Nuk di ç’të them, keni bërë një punë të mrekullueshme. Ju dëshiroj fat në të ardhmen. Përshëndetje nga Suedia.

Shaip Selimi

Jeni të mirë, ju lumtë!

Iliri

Të dashur miq. Shumë shpesh e përdor AS 2.0, për shkak të natyrës së punës që kam. Jam shumë i kënaqur me mundësitë që ofron ky program, sidomos përmirësimet automatike dhe mendoj që në këtë pjesë është e dëshirueshme të ketë edhe më shumë mundësi. Gjithashtu do të kisha dëshirë që të ketë edhe fjalorin e sinonimeve; mendoj që është shumë me rëndësi për njerëzit që shkruajnë çdo ditë! Uroj që në vitin 2006 t’ju shkojnë punët edhe më mbarë dhe t’i thyeni edhe më shumë barrierat që i kemi pasur deri tani në implementimin e gjuhës në elektronikë.

Sknderi

Ju përshëndes të gjithëve dhe ju përgëzoj për punën kolosale që po bëni.

Valon Kryeziu

Gëzohem dhe ju përgëzoj për punën që keni bërë. Ju lumtë gjuhëtarë se edhe unë i takoj këtij grupi njerëzish.

Besim Zabrgja

Për studentët e gjuhës shqipe ka qenë më se e nevojshme. Faleminderit nga ju. Suksese gjuhës shqipe.

Sihana

Përgëzime! Më të vërtetë më vjen mirë që është hapur një faqe e tillë për gjuhën më të bukur - Gjuhen Shqipe – që na ndihmon edhe neve të huajve ta dimë dhe të njihemi për së afërmi me të gjitha ato që janë thënë për gjuhën shqipe. Vetëm suksese dhe punë të mbarë!!!

Demitria Demiri

Nuk do të thosha  asgjë tjetër, pos me të vërtetë  më  vjen  mirë që është  hapur një faqe e tillë ku ne studentët mund të lexojmë diçka të mirë. Mbetshi mirë dhe vazhdoni të punoni në këtë drejtim.

Melisa

Jam shumë i gëzuar që është realizuar ky projekt kolosal për gjuhën tonë të ëmbël. Jam i bindur se edhe më e afërt do të bëhet gjuha për mërgimtarët. Është ndihmë e madhe për punonjësit arsimor jashtë atdheut. Mendoj se kjo është vepër e madhe patriotike. Njerëzit e vegjël nuk bëjnë vepra të mëdha. Këta që bënë këtë projekt nuk janë të vegjël.

Milaim Lekaj

Desha t'ju falënderoj për punën e investuar që edhe gjuha shqipe të ketë programin e vet kompjuterik për drejtshkrim. Jam tejet i gëzuar dhe ndihem krenar që gjuha shqipe të jetë një ndër 50 gjuhët botërore që do të ketë programin e vet. Prandaj ju uroj edhe një herë dhe ju dëshiroj punë të mbarë në projektet e ardhshme.

Vigan Rogova

Desha t’ju falënderoj për punën që keni bërë ju të gjithë.

Ermal Kosova

Urime për këtë projekt kaq të madh.

Mehdi Kurti

Të nderuar, më lejoni të shpreh dëshirat e mia për sukses te mëtejmë të projektit tuaj, i cili është në fazën fillestare të kompletimit të një projekti serioz dhe i destinuar për sukses.

Fadil Dalipi

Porosia ime është që këtë program ta bëni më publik në media. Unë mendoj se nuk është bërë aq sa duhet publik.

Bekimi

Vetëm suksese dhe shëndet stafit tuaj të punës!

Jakup Jakupi

Ju përgëzoj për projektin dhe ju dëshiroj suksese në të ardhmen.

Afërdita

Nuk jam në gjendje ta përshkruaj gëzimin që ndjeva kur pashë lajmin për këtë arritje që ju na e dhuruat të gjithë ne, bashkëkombësve tuaj. Për mendimin tim kjo është arritja më madhe që nga Kongresi i drejtshkrimit shqip në fushën e gjuhës dhe të kulturës shqiptare. Peshë të veçantë, për mendimin tim, fiton kur kihet parasysh fakti i hidhur se sa pjesëtarë të kombit tonë u detyruan të marrin rrugët e kurbetit në përpjekje për ruajtjen e kulturës dhe të identitetit kombëtar. Ju keni dhuruar një armë të fuqishme. Më mungojnë fjalët. Ju lumtë! Lum kombi që ka njerëz të tillë! Përgëzime dhe falënderime Qeverisë së Kosovës që na e bën të mundur përdorimin falas të kësaj arritjeje kaq të madhe.
Qazim Hajzeraj

Jam i kënaqur me këtë softuer që keni bërë, jam i kënaqur që do të regjistrohem në faqen tuaj.

Përparim Zogaj

Me realizimin e këtij projekti e keni shpëtuar gjuhën shqipe standarde, letrare, apo, shkurt, gjuhën me të cilën shqiptarët e rruzullit tokësor do të kuptohen më lehtë mes veti. Gjithçka deri tash ishte ëndërr, a mjaftojnë edhe ëndrrat më të bukura për gjëra kaq madhështore? Zonja dhe zotërinj, ju lutem, pranoni përshëndetjet dhe përgëzimet e mia.
Sefedin Krasniqi

Edhe ne, të dashurit tuaj në diasporë, jemi tepër të gëzuar për programin tuaj të gjuhës shqipe në internet. Ju lutemi të na tregoni si mund ta shfrytëzojmë edhe ne në diasporë për fëmijët tanë ende te paasimiluar.

Mal Kadriu

Ju komplimentoj për këtë iniciativë dhe sipërmarrje gjigante që në fakt gjithmonë ne shqiptarët e Shqipërisë jemi të parët që duhet ta kryenim. Por, me sa duket, e vërteta është se shqiptarët jashtë kufijve janë më nacionalistë dhe atdhedashës.

Jona Bica

Përshëndetje për ketë program dhe ju jemi shumë mirënjohës dhe ju faleminderit për punën që  keni bërë.
Flamur Hajdari

Quhem Alban Kardashi. Jam një ndër poetet e rinj shqiptarë. Përgëzime për punën e pashoqe që po bëni. Gjuha jonë është mbase i vetmi dokument i gjallë që na ka mbajtur të pacenuar si pasardhës të ilirëve në këtë copë toke tonën të synuar nga gjithkush. Dhe duhet ta mbrojmë të pastër për të rezistuar deri në përfundimin e synimeve tona kombëtare e historike. Gjithçka ka përparuar, e kështu edhe ky program ishte më se i nevojshëm. Ju lumshin duart, mendja e shpirti!
Alban Kardashi

Më bëhet zemra mal për një nismë të tillë. Është madhështore dhe vërtet patriotike.
Baki Goxhaj 

Përshëndetje dhe ju uroj për punën që keni bërë në drejtim të mënjanimit të defekteve në shkrim nëpërmjet softuerit.
Jeton Mazllami

Të nderuar, nuk kam shumë të shtoj, vetëm se t´ju falënderoj për punën që keni bërë. Ju lumtë!
Berat Zimberi
Ju përgëzoj për iniciativën dhe suksesin e krijimit të Programit kompjuterik drejtshkrimor.
Shpendi

Jeni shumë të nderuar nga gjithë shqiptarët, kudo që janë.
Muj Berisha

Vetëm desha që t’ju uroj për punën e madhe që keni bërë. Ndërsa sa i përket mangësive të mundshme dhe kritikave që bëhen, do të kisha thënë se ai që krijon dhe punon, normalisht që mund të ketë edhe gabime. Në kohën kur gjuha shqipe po bastardohet nga ndikimi dhe legalizimi i ndarjeve krahinore, kjo është një punë e madhe. Shpresoj se ndikimi i këtij programi do të jetë tejet i madh dhe do të nxisë edhe akademitë tona që t’i rreken seriozisht punës. Ju faleminderit për këtë dhuratë të çmuar. Ju përshëndes dhe ju uroj suksese edhe më tej.
Vasfi Ibrahimi

Desha vetëm t’ju uroj dhe falënderoj për punën e bërë. Vlera e mundit tuaj besoj se së shpejti do të shpaguhet me përmirësimin e të shprehurit ditor të të gjithë shqiptarëve, pa marrë parasysh se ku jetojnë e veprojnë. Ju falënderoj dhe uroj përzemërsisht që të gjithëve.
Eroll Reshtani

Më lejoni t'ju falënderoj për këtë softuer kaq praktik dhe të domosdoshëm për çdo përdorues të kompjuterit. Jam i ngazëllyer nga fakti që më në fund ia arritët të realizoni një projekt kaq të rëndësishëm. Urime dhe shpresoj që të keni suksese edhe me variantet e ardhshme!
Premton Gërvalla

Urime për Programin tuaj.
Learti

Përshëndes të gjithë stafin tuaj përzemërsisht. Keni bërë një punë shumë të madhe, si askush më parë. Ju lumtë, inshallah gjithnjë e më shumë kësi talente si ju.
Arsimi

Jam Arlindi dhe studioj në Itali. Kur e lexova në internet lajmin, u gëzova shumë. E shkarkova dhe e instalova në PC time. (Normal, pasi  lexova LICENCËN, që më pëlqeu tej mase!) Më vjen mirë që edhe në Kosovë u bë gjuha e kompjuterizuar.
Arlindi

Para së gjithash ju jam mirënjohës për punën e vrullshme dhe të suksesshme që keni bërë me rastin e nxjerrjes së programit kompjuterik për drejtshkrim (korrigjim) të gjuhës shqipe.
Haxhi Osmanaj

Unë ju përgëzoj për atë që keni bërë, me softuerin që keni punuar. Është një ndihmesë shumë e madhe për të gjithë ata që sot shkruajnë apo duan të mësojnë gjuhën shqipe ashtu siç duhet, e jo sikurse pas luftës, kur ka filluar të bastardohet gjuha shqipe me terma të ndryshëm, të përdorura edhe nga vetë niveli më i lartë (ajka) i politikës.
Artoni

Programin tuaj për drejtshkrim e shkarkova dhe nga dëshira që ta përdor sa më parë, gati sa nuk harrova që t’ju uroj dhe përgëzoj për këtë vepër gjigante. Paçi faqen e bardhë dhe ju faleminderit shumë! Me nderime dhe respekt të veçantë.
Bardhyl Metaj

Në momentet më të vështira, më të rënda dhe më pesimiste që mund të përjetojë njeriu, kur sheh se gjuha, muzika dhe kultura e popullit që ai i takon po shkatërrohet,  degjenerohet e tjetërsohet, aq më tepër kur njeriu është larg vendit dhe njerëzve të tij të dashur dhe i duket se çdo gjë po merr fund, nga fundi i muzës së kombit dalin në shesh njerëz të cilët i dalin zot gjuhës, kulturës dhe vlerave kombëtare. Lajmi për përpjekjet dhe tani finalizimin e fjalorit drejtshkrimor elektronik na vjen si një ogur i mirë dhe shpresëdhënës në luftë kundër të gjitha rreziqeve dhe kanosjeve që kërcënojnë gjuhën e ëmbël të Konstantin Kristoforidhit, Naum Veqilharxhit, Gjon Buzukut, Pjetër Bogdanit, Naim Frashërit,...që aq shumë bënë dhe u munduan për ruajtjen dhe lëvrimin e gjuhës sonë të ëmbël.

Duke cituar një prej intelektualëve francezë, i cili para një shekulli pat thënë se: "Frëngjishtja ka rrezik të bëhet Franglishte", ju uroj për këtë ndërmarrje sa voluminoze e ambicioze, aq edhe të shenjtë e të vyer, patriotike, njerëzore, praktike, shërbyese e shpresëdhënëse në rrugën e shenjtë për formimin e gjuhës shqipe dhe të kombit shqiptar. Puna juaj është dhe do të jetë për jetë të jetëve arma numër një në shërbim të realizimit të aspiratave gjithëshqiptare.

Të nderuar anëtarë të ekipit, ju uroj shëndet dhe të gjitha të mirat për punën e bërë dhe suksese edhe më të mëdha, të cilat do të kurorëzojnë arritjen në majat e piedestalit më të lartë të veprës suaj në shërbim të gjuhës shqipe dhe të kombit shqiptar.
Qamil Zekolli

Për punën që keni bërë me rastin e programit për drejtshkrim ju përgëzoj, njëherësh ju falënderoj shumë, se me këtë na keni ndihmuar të gjithëve, pavarësisht nga përgatitja shkollore. Kësaj radhe vetëm desha t’ju përshëndes dhe t’ju uroj punë të mbarë në arritjet e tjera në këtë drejtim.
Nexhat Ibrahimi

Ju faleminderit për punën e bërë, kjo është vërtet një punë e madhe, por besoj se nuk do te ndaleni dhe do të kontribuoni edhe më tutje në ngritjen e nivelit të kulturës gjuhësore në Kosovë tek të rinjtë, por edhe tek të gjitha gjeneratat.
Agim Fejza

Një dritare e re apo një diell i vërtetë për shqiptarët kudo që i thonë vetes shqiptarë. Me lot dhe plot emocion në orën 00:20 pas mesnate e hapa faqen më të bukur për mua që ekziston. E kam pritur sa LIRINË. Ju lumtë! Zoti ju bekoftë kudo që jeni! Nga zemra me lot dhe mallëngjim, përshëndetje të përzemërta. Le të valojë gjuha më e bukur në botë për mua. Për mua sërish vjen marsi, tash me gjuhën shqipe.
Naimi

Ju lumtë! Rrofshi! Do të mbeteni në historinë e shek.21. Urime!

E gëzofshin të gjithë shqiptarët tashmë standardin edhe elektronik të gjuhës shqipe!
Asllan Bekteshi

Ju uroj sukses në një projekt kaq të rëndësishëm për mbarë kombin shqiptar.
Dr.Sheremet Gashi

Punë e shkëlqyer, rrofshi!
Fatimi

Urime dhe suksese!
Rifati

Përgëzime QEP. Përgëzime gjithë juve që bëtë këtë punë kaq me vlerë për gjuhën tonë. Sado që të uroj, është pak, më duket se ne ende nuk jemi të vetëdijshëm për vlerën e këtij projekti që kemi sot. Unë tani mund të kem gabime, por pas shkarkimit të AS 2.0 shqipja ime e shkruar do të jetë më e drejtë, e nesër, edhe e folmja më e mirë. Urime, urime!
Ahmet Mahmutaj

Faleminderit shumë për këtë program.
Avniu

Unë ju përgëzoj për programin tuaj dhe e vlerësoj atë shumë.
Gëzim Gashi

Ju përshëndes shumë për punën tuaj.
Fidan Kukaj

Së pari ju përgëzoj për programin e bukur edhe të qëlluar. Kemi pasur nevojë për të qysh moti. Dua vetëm t’ju përshëndes shumë.
Arbeni 

Urime e përgëzime për punën tuaj për këtë program kompjuterik.
Fisnik Beka

Përshëndetje, vërtet paskëshit bërë një punë shumë të mirë. Ju lumtë!
Sebahate Zeqa

Ju uroj për punën e bërë!
Ylli

Ju përgëzoj për punën e bërë më rëndësi të veçantë.
Gjergj Berisha

Ju faleminderit për këtë mund që keni bërë.
Avni Haziri

Ju përgëzoj për nismën e mbarë dhe pres që atë në të ardhmen ta përmirësoni edhe më tej. E kam fjalën për programin për korrigjimin e gjuhës.
Musliu

Ju përshëndes për punën. Ju lumtë!
Isuf Rizani

Ju lus të më lejoni t’ju përshëndes dhe t’ju përgëzoj për mundin dhe punën e palodhshme që keni bërë për hartimin e këtij Programi.
Nevzat Bekteshi

Desha t’ju përgëzoj për këtë punë që është shumë e qëlluar. E them këtë se më keni ndihmuar shumë mua personalisht.
Agron Krasniqi

Desha t’ju përgëzoj në lidhje me arritjen e shekullit do ta quaja unë, për sa i përket hartimit të drejtshkrimit të gjuhës shqipe në kompjuter.
Bashkim Hoxhaj

Mendoj që puna juaj dhe jetësimi i punës suaj, padyshim që është revolucioni më i madh shqiptar në industrinë e teknologjisë informative. Njëherësh mendoj se prezantimi që u mbajt në Grand Hotel (26.03.2005) ishte ngjarja më e madhe kulturore gjithëshqiptare në periudhën e pasluftës.
Ardian Zogu

Urimet e mia të përzemërta për punën tuaj dhe për atë që keni bërë për gjuhën shqipe.
Kreshnik Nezha

Doja t’ju falënderoja për punën fantastike që keni bërë.
Laureta

Përgëzime për fjalëqortuesin!
Anli Shundi
 

 

Të nderuar vizitues të faqes sonë, faleminderit për mijëra letra përkrahëse që keni dërguar.

Në pamundësi që t'i botojmë të gjitha, shpresojmë që përmbajta e shumëllojshme e letrave të pranishme, të përfaqësoj edhe mesazhin tuaj.